Հունաստանի վարչապետ Կիրիակոս Միցոտակիսն ըսեր է, որ անհրաժեշտ է Թուրքիոյ հետ քննարկել եւ կարգաւորել Միջերկրական ծովի առկայ վտանգաւոր վեճը, սակայն անոր համար թուրքերը պէտք է դադարեցնեն սադրանքները:

Ան անդրադարձեր է Թուրքիոյ նախագահ Ռեջեփ Թայիբ Էրդողանի վերջին շրջանի ռազմատենչ հռետորաբանութեանը:

«Նախագահ Էրդողանի բազմաթիւ բոցաշունչ յայտարարութիւններէն ես կառանձնացնեմ միայն մէկը, որը բանակցութիւններու մասին է: Շատ պարզ կարձագանք եմ՝ վերջ տուեք սադրանքներուն, եւ երկխօսութիւնը կսկսի»,- ըսած է Հունաստանի վարչապետը:

Երկու երկրներու միջեւ լարուածութիւնը խիստ սրուած է այն բանէն ետք, երբ թուրքական հետազոտական նաւը մտած է Միջերկրականի վիճահարոյց հատուած, որն ունի էներգակիրներու մեծ պաշար: