Արեւմտեան Հայաստանի Վան նահանգին մէջ, Ուրարտական  Սարդուրի 2-րդ թագաւորի կողմէ կառուցուած 2750 տարեկան Չավուշթեփէ ամրոցին եւ նեկրոպոլի մէջ պեղումները կը շարունակուին: Մէկ կողմէ յայտնաբերուուած են կարեւոր գտածոներ, միւս կողմէ՝ ժամանակաշրջանին կարեւորագոյն դեր ունեցող հացահատիկի ամբարները կը վերցնեն պաշտպանութեան տակ:

25 տարուայ անխափան պեղումներու արդիւնքին պարզ կը դառնայ, որ յայտնաբերուած Չավուշթեփէ ամրոցը բաղկացած էր երկու մասէ՝ վերին եւ ստորին ամրոցներէ:

Վերին ամրոցին մէջ կը գտնուի Խալդիի տաճարը, Ներքին ամրոցին մէջ՝ ծայրամասային բերդը, պահեստի շէնքերը, Իրմուշինիի տաճարը եւ այս ամենը վկայող այլ վայրեր:

Յայտնաբերուած պահեստային կառոյցները ենթարկուեր են ժամանակի մեծ փորձութեանը: Բնութիւնը մեծապէս վնասեր է պեղումներու տարածքը:

Պեղումներու ղեկավար, պրոֆ. Դոկտ. Ռաֆեթ Չավուշօղլուն ըսած է. «Մենք կը փորձ ենք վերականգնել ամբարի պատերու փլուզուածքները եւ վնասուած հատուածները  հաւաքելով՝ ոտքի կանգնեցնել»: