Sun. Sep 27th, 2020

Նախագահ Աբդել Ֆաթթահ Ալ-Սիսին Սեպտեմբերի 14-ին ընդուներ է Հայաստանի արտաքին գործերու նախարար Զոհրաբ Մնացականեանին՝ Եգիպտոսի Արաբական Հանրապետութեան արտաքին գործերու նախարար պարոն Սամեհ Շուքրիի եւ Գահիրէի մէջ Հայաստանի դեսպանի ներկայութեամբ:

Այս մասին «Արմենպրես»-ը տեղեկացաւ Եգիպտոսի նախագահի պաշտօնական կայքէջէն։

Եգիպտոսի նախագահի մամուլի խօսնակը յայտներ է, որ նախագահ Աբդել Ֆաթթահ Ալ-Սիսին ողջուներ է Հայաստանի արտգործնախարարի այցը Գահիրէ՝ խնդրելով անոր իր հարգանքներն ու ողջոյնները փոխանցել Հայաստանի նախագահին: Նախագահ Ալ-Սիսին ընդգծեր է Եգիպտոսի եւ Հայաստանի միջեւ առանձնայատուկ պատմական յարաբերութիւնները եւ վերահաստատել Եգիպտոսի ձգտումը՝ ամրապնդելու երկու երկիրներու միջեւ համատեղ համագործակցութիւնը՝ երկու բարեկամ ժողովուրդներու ընդհանուր շահերուն հասնելու համար:

Իր հերթին, պարոն Մնացականեանը ՀՀ նախագահի ողջոյնները փոխանցեց Նախագահ Ալ-Սիսիին՝ ընդգծելով, որ իր երկիրը կը հպարտանայ երկու երկրներու միջև սերտ եւ կառուցողական համագործակցութեամբ, առաւել եւս, որ Եգիպտոսի հոծ հայ համայնքը մեծ հարգանք կը վայելէ: Հայաստանի արտգործնախարարը նաեւ բարձր գնահատեց Եգիպտոսի յայտնի դիրքորոշումը, անոր տարածաշրջանային եւ միջազգային ազդեցութեան լծակները եւ տարածաշրջանին առանցքային դերակատարութիւնը։

Մամուլի խօսնակը հաւելելրէ, որ հանդիպման ընթացքին  անոնք կարծիքներ փոխանակեր են  շարք մը տարածաշրջանային հարցերու շուրջ, այդ թիւին Լիբիոյ, Սուրիոյ, Լիբանանի մէջ տեղի ունեցող իրադարձութիւններու եւ պաղեստինյան հարցի շուրջ: Երկուստեք կարեւորուեր է տարածաշրջանին արտաքին միջամտութիւններու չեզոքացման կարեւորութիւնը։

Leave a Reply