Sun. Sep 27th, 2020

Սիրուած կոմպոզիտոր, ՀՀ ժողովրդական արտիստ Տիգրան Մանսուրեանը համավարակի տարածման շրջանին երկու ստեղծագործութիւն գրած է, որոնք յոյս ունի շուտով ներկայացնել երաժշտասերներուն:

«Արմենպրես»-ի հաղորդմամբ`այս մասին մաեստրոն յայտնեց Սեպտեմբերի 14-ին կազմակերպուած մամուլի ասուլիսին:

«Մարտէն ետք երկու գործ գրած եմ: Երիտասարդ մը ալտահարուհի, որը կը բնակի Գերմանիոյ մէջ,  ինձ խնդրած էր փոքրածաւալ ստեղծագործութիւն մը գրել, որն անմիջականօրեն կապ կունենայ այն իրականութեան հետ, որուն մէջ կապրինք բոլորս, երբ ստեղծագործող մարդիկ առանձնացած են, փակուած, համերգային կեանքէն դուրս: Ալտահարուհին ոչ միայն ինձ, այլեւ  շարք մը այլ կոմպոզիտորներու  հետ կը համագործակցի: Մեր ստեղծագործութիւնները պիտի ձայնագրէ  գերմանական ընկերութիւններէն մէկի հետ»,-պատմեց Մանսուրեանը:

Ան շեշտեց, որ  սիրով  համաձայնած է մասնակցիլ այդ նախագիծին` գրելով «Ձայն լռութեան» ստեղծագործութիւնը:

Հեղինակը գրած է նաեւ «Չորս հայրեն» շարք: Այս շարքը նուիրուած է սեր եւ լուսին յարաբերութեանը: Այն արդեն աւարտուած է: Հուսամ` շուտով առիթ կըլլայ համերգային կեանքով ապրիլ եւ հնչեցնել նոր ստեղծագործութիւնները»,-եզրափակեց Տիգրան Մանսուրեանը:

 

Leave a Reply