Sun. Sep 27th, 2020

Գեղարքունիքի մարզի Ճամբարակ քաղաքին մէջ Ճամբարակի համայնքապետարանի եւ Եվրոպական Միութեան միջոցներով «Քաղաքացիի բիւջէ» ծրագրի շրջանակին մեկնարկեց «Պլեներ–2020» երիտասարդական փառատօնը, որուն կը մասնակցէին աւելի քան հինգուկէս տասնեակ 18–30 տարեկան նկարիչներ Հայաստանի Հանրապետութեան  ութ մարզէ, Երեւանի Խ. Աբովեանի անուան պետական մանկավարժական համալսարանէն եւ Փանոս Թերլեմեզեանի անուան գեղարուեստի պետական քոլեջէն:

Նկարիչները մասնակցած են «Ճամբարակն իմ աչքերով» խորագիրը կրող պլեներուն: Ճամբարակի գեղատեսիլ բնութեան իւրաքանչիւր անկիւն կարող էիր տեսնել նկարչի մը, ով  սիրով կանմահացնէր   հրաշալի բնութեան անկրկնելի գեղեցկութիւնը: Երեկոեան՝ խարոյկի շուրջ, նկարիչները կը շարունակէին ծանոթութիւնը երգ-երաժշտութեան հնչիւններու տակ: 

«Պլեներ-2020» երիտասարդական փառատօնի  փակման արարողութեան ժամանակ  կազմակերպուեցաւ գեղանկարչութեան բացօթեայ ցուցահանդէս, որտեղ կը  ցուցադրուէին մասնակիցներու ստեղծած գեղանկարները:

Leave a Reply