Հայաստանի ազգային կինոկենտրոնը նոր նախաձեռնութիւն  սկսեր է, որն ուղղուած է համավարակի հետեւանքներու վերացմանը:

Հայաստանի ազգային կինոկենտրոնը «Մոսկուա» կինոթատրոնի հետ համատեղ՝ հետեւելով յայտարարուած կարանտինի նոր կանոններուն, կսկսի «Կինոն բեմի վրայ» խորագիրով ցուցադրութիւններու շարքը՝ կինոթատրոնի ամառային (բացօթեայ) դահլիճին մէջ: Ծրագրի առաջնային նպատակն է մշակութային դադարէն դուրս բերել հանրութեանը՝ պարգեւել ուրախ եւ տօնական կինոտրամադրութիւն՝ մեծ էկրանին ներկայացնելով երաժշտական ու կատակերգական լաւագոյն հայկական ֆիլմերէն մէկ մասը (Արման Մանարեան՝ «Կարինե», Լեւոն Իսահակեան՝ «Ճանապարհ դէպի կրկես», Գ․Մելիք-Աւագեան՝ «Երգում է Գոհար Գասպարեանը», Լ․Վաղարշեան, Հ․ Մալեան՝ «Մի կաթիլ մեղրը»)։

Սոյն ձեռնարկը նպատակ ունի աջակցիլ համավարակի հետեւանքով ծանր կացութեան մէջ յայտնուած (ինչպէս աշխարհի բոլոր կինոթատրոնները) մեր քաղաքի ամենահիւրընկալ մշակութային օջախներէն մէկին՝ «Մոսկուա» կինոթատրոնին, տրամադրելով ֆիլմերու տոմսերու վաճառքէն գոյացած ամբողջ հասոյթը։

Ցուցադրութիւնները տեղի կունենան շաբաթ եւ կիրակի օրերուն՝ ժամը 20։00-ին, Սեպտեմբերի 19-27-ը։ Տոմսերը կարելի է ձեռք բերել իւրաքանչիւր ֆիլմի ցուցադրութիւնէն 2 ժամ առաջ՝ դահլիճի մուտքի մոտ գտնուող տոմսարկղէն (արժեքը՝ 1000 դրամ):

Նիւթն ամբողջութեամբ հետեւեալ հղումով

https://mamul.am/am/news/188789