Սան Ֆրանցիսկոյի Ս. Գրիգոր Լուսաւորիչ եկեղեցւոյ կից գտնուող հայկական կենտրոնը յարձակման ենթարկուեր է: «Արմենպրես»-ի հաղորդմամբ, «Ասպարեզ» պարբերականը կը տեղեկացնէ, որ հրդեհի հետևեւնքով նիւթական մեծ վնաս  հասցուած է: Այդ կենտրոնի մէջ կը գտնուին «Վասպուրական» սրահը եւ եկեղեցւոյ ու շրջանի կազմակերպութիւններու գրասենեակները:

Նշուած է, որ Ս. Գրիգոր Լուսաւորիչ եկեղեցւոյ հոգաբարձութիւնը եւ համայնքի ղեկավարութիւնը, քաղաքի հրշեջներու եւ օրինապահ մարմիններու հետ համագործակցութեամբ՝ հետամուտ կըլլան  ազգային ատելութեան հողի վրայ կատարած  յարձակումը բացայայտելուն:

Աւելի վաղ ատրպէյչանցիներն ու թուրքերը յարձակուեր էին Սան Ֆրանցիսկոյի Գռուզեան-Զաքարեան-Վասպուրական ազգային վարժարանի եւ անոր կից գտնուող հայկական կենտրոնի վրայ՝ հայհոյանքներ գրելով, Ատրպէյճանի դրոշի գոյները պատկերելով պատերու վրայ: