Արեւմտեան Հայաստանի Բաղեշի ամրոցին մէջ իրականացուած պեղումներու ընթացքին յայտնաբերուած են բիւզանդական ժամանակաշրջանին պատկանող 10 մետաղադրամներ: Գիտական ​​պեղումներու համակարգող դոկտ. Քորքմազ Շենը նշեց, որ իրենք այս տարի համաճարակի պատճառով աշխատանքն իրականացուցած են 10 անդամէ պատկանող խումբով եւ այսպէս շարունակեց. «Մեր պեղումներու արդիւնքին յայտնաբերած ենք պահեստ, որն այն ժամանակ օգտագործուեր է որպէս մառան, այնտեղ գտնուեր են կարասներ եւ այլ տարաներ: Այդ տարաներուն մէջ եւս յայտնաբերուեր են 10 մետաղադրամները: Մենք գտած ենք նաև ապակեայ եւ ջնարակուած կերամիկա: Ներկայիս կը շարունակուին մեր լաբորատոր ուսումնասիրութիւնները: Այժմ փաստացի կը գտնուինք այս տարուայ պեղումներու  աւարտական փուլի մէջ»: