ՀՀ Տաւուշի մարզի Բերդ համայնքի «Տաւուշի բերդ» կոչուող ամրոցին մէջ պեղումներ կանցկացուին:

Լրագրողներու հետ զրոյցի ժամանակ ՀՀ վարչապետի խորհրդական Ռոբերտ Ղուկասեանն ըսաւ, որ ամրոցը կարող է զբոսաշրջութեան զարգացման նոր խթան ըլլայ:

«Առաջարկութիւն ներկայացուցի վարչապետին, որ Բերդի կտրուածութեանը վերջ տալու համար, կը կարծեմ, լաւագոյն տարբերակը կըլլայ այդ ամրոցի հնագիտական պեղումները։ Վարչապետն անմիջապէս հանձնարարեց սկսիլ պեղումները, եւ հիմայ անոնք կընթանան թէ՛ Տաւուշի բերդի, թէ՛ բերդի եկեղեցւոյ մէջ»,- նշեց Ղուկասեանը:

Հնագիտութեան եւ ազգագիտութեան ինստիտուտի գիտաշխատող Հարութիւն Բադալեանն ըսաւ ․«Այս պահին մաքրման աշխատանքներ կիրականացուին: 1988 թուականին այստեղ յայտնաբերուեր է արձանագրութիւն մը, որու վրայ նշիւած է, որ եկեղեցին կը կոչուի սբ. Աստուածածին եւ կառուցուեր է 1019 թուականին: Այս պահին մենք յայտնաբերած ենք խեցեղենի բեկորներ, բազմաթիւ տապանաքարեր, որոնցմէ մէկի վրայ յայտնաբերեր ենք արձանագրութիւն»։

Անոր խօսքով՝ եկեղեցւոյ հատուածը մաքրման աշխատանքներն աւարտելէ ետք պեղումները կը շարունակեն միջնաբերդի հատուածը: