Հուշամեդալներ, թղթադրամներ, արխիւային լուսանկարներ, մետաղադրամներ, երաժշտական գործիքներ, բազմաթիւ փաստաթուղթեր եւ ի վերջոյ՝ անկախութեան հռչակագիրը. այս եւ շարք մը այլ ցուցանմուշներ, որոնք Հայաստանի Երրորդ Հանրապետութեան անկախութեան  ապացոյցն են, կը պահուին եւ կը պահպանուին Հայաստանի պատմութեան թանգարանի Երրորդ Հանրապետութեան սրահին մէջ։

Թանգարանի Նոր եւ նորագոյն պատմութեան բաժինի վարիչ Սեդա Գալստեանն «Արմենպրես»ի թղթակիցի հետ զրոյցի ժամանակ կը փաստէ, որ սրահին մէջ ներկայացուած բոլոր ցուցանմուշները հետաքրքիր են եւ կարեւոր. անոնցմէ իւրաքանչիւրը Հայաստանի Երրորդ Հանրապետութեան անկախութեան վկան է։

Առանձնայատուկ են նաեւ թանգարանի պահուող այն շքանշանները, որ  Հայաստանի Հանրապետութեան նախագահի կողմէ կը տրուին: Խօսքը պետական պարգեւներոու մասին է. անոնք նոյնպէս յանձնուեր են այն մարդկանց, որոնք մեծ դերակատարութիւն ունեցած են Հայաստանի Երրորդ Հանրապետութեան  կայացման հարցին: