Հայաստանի աւանդական երգի-պարի «Գութան» ամենամեայ փառատօնը 2020-ին կանցկացուի Սեպտեմբերի 25-26-ին Տաւուշի մարզի սահմանապահ 13 համայնքներուն մէջ։

«Շուրջ 250 արտիստներ իրենց աւանդական, հայրենասիրական, ոգեկոչող եւ ժողովրդական երգ ու պարով նոր տրամադրութիւն կը հաղորդեն մեր սահմանապահ տաւուշցիներուն ու զինուորներուն, որու կարիքը կայ յատկապէս Հուլիսեան իրադարձութիւններէն ետք»,- կըսէ փառատօնի հիմնադիր-ղեկավար, ՀՀ վաստակաւոր արտիստ Արսեն Գրիգորեանը։ 

««Գութան»-ի նպատակն է ազգային երգն ու պարը տարածել, ճանաչելի դարձնել երիտասարդ սերունդին, անոնց փոխանցել մեր մշակութային հարուստ ժառանգութիւնը»,- կը նշէ Արսեն Գրիգորեանն  տեղեկացնելով, որ փառատօնը բացառիկ է նաեւ իր հասանելիութեամբ, բացօթեայ է եւ անվճար, նախատեսուած սոցիալական բոլոր խումբերու համար: