Արցախի Հանրապետութեան նախագահ Արայիկ Հարութունեանը Սեպտեմբերի 22-ին Երեւանի  ՊՆ վարչական համալիրին մէջ հանդիպեր է ՀՀ պաշտպանութեան նախարար Դաւիթ Տոնոեանի հետ: «Արմենպրես»-ին այս մասին յայտնեցին Արցախի Հանրապետութեան նախագահի աշխատակազմի տեղեկատւութեան գլխաւոր վարչութիւնէն:

Երկրի ղեկավարն իր գոհունակութիւնն  յայտներ է Պաշտպանութեան բանակի եւ Զինուած ուժերու միջեւ փոխգործակցութեան բարձր մակարդակէն՝ ընդգծելով, որ պաշտպանունակութեան եւ արտաքին անվտանգային խնդիրները կը գտնուին ինչպէս Արցախի Հանրապետութեան, այնպէս ալ Հայաստանի Հանրապետութեան քաղաքական իշխանութիւններու ուշադրութեան կենտրոնին: Նախագահ Հարութունեանի խօսքով՝ հայոց բանակը տարածաշրջանին մէջ կայունութեան եւ խաղաղութեան պահպանման գործին գլխաւոր դերակատարում ունի, եւ այս համատեքստին շարունակական ու համատեղ ջանքերու շնորհիւ պէտք է անընդհատ ընդլայնուին ռազմական կարողութիւնները:

Դաւիթ Տոնոեանը ողջուներ է նախագահին նախարարութիւն կատարած պաշտօնական առաջին այցի կապակցութեամբ, եւ վստահեցուցած է, որ համադրուած ու համակարգուած աշխատանքներու միջոցով կը շարունակեն ամրապնդել հայկական երկու պետութիւններու անվտանգային համակարգը: