Հումանիտար ականազերծման եւ փորձագիտական կենտրոնի» մասնագետներն իրենց առաքելութեան առաջին օրէն ականազերծեր են եւ սուրիական իշխանութիւներուն յանձներ են 280 հազար քառակուսի մետր տարածք։

Սեպտեմբերի 21-ին, Հալեպի մէջ կայացեր է Հայաստանի հումանիտար առաքելութեան կողմէ ականազերծուած տարածքներու պաշտօնական յանձնումը Սուրիոյ Արաբական Հանրապետութեան Հալեպ նահանգի իշխանութիւններուն: Տեղեկութիւնը կը յայտնէ «Հումանիտար ականազերծման եւ փորձագիտական կենտրոն» ՊՈԱԿ-ը։

Հալեպի իշխանութիւններուն յանձնուած ականազերծման հաւաստագրերով հաստատուեր է, որ Բենյամին բնակավայրի 96 485 քմ վտանգաւոր տարածքն ականազերծուած է եւ անվտանգ յետագայ նպատակային օգտագործման համար:

Արարողութեանը ներկայ գտնուեր են Հալեպի փոխնահանգապետարանի գործադիր անդամ դոկտոր Մուհամեդ Քումիթ Ասի Ալ-Շեյխը, Հայաստանի գլխաւոր հիւպատոս Արմեն Սարգսեանը, Հալեպի մէջ տեղակայուած ռուսական հակամարտող կողմերու հաշտեցման կենտրոնի ղեկավարութիւնը, Հալեպ նահանգի իշխանութեան ներկայացուցիչներ, հայոց թեմի հոգեւոր առաջնորդներ, հումանիտար առաքելութիւն իրականացնող խումբի ներկայացուցիչներ եւ այլ պաշտօնատար անձեր: