Աբու Տապիի թագաժառանգ, Արաբական Միացեալ Էմիրութիւններու (ԱՄԷ) զինուած ուժերու գլխաւոր հրամանատարի տեղակալ շեյխ Մոհամմեդ պն Զայետ Ալ Նահյան ԱՄՆ-ին առաջարկեր է Թուրքիայի Ատանա նահանգի Ինջիրլիքի շրջանին մէջ տեղակայուած ռազմաբազան տեղափոխել ԱՄԷ. կը գրէ ermenihaber-ը: Ըստ թուրքական լրատուամիջոցներու՝ թագաժառանգն այդ քայլին դիմեր է Թուրքիայի հետ ունեցած հակասութիւններու, յատկապէս Լիբիայի ճգնաժամին ունեցած հակառակ դիրքաւորման պատճառով: Կը հաղորդուի, որ առաջարկութիւնն արդեն ուղարկուեր է Պենտագոն: Նշենք, որ Ինջիրլիքի ռազմական աւիաբազան կօգտագործուի ԱՄՆ-ի եւ Թուրքիայի ռազմաօդային ուժերու կողմէ։ Աւիաբազան կը գտնուի Ատանա քաղաքէն 8կմ հեռաւորութեան վրայ: Այն կը հանդիսանայ Եւրոպայի մէջ ԱՄՆ-ի եւ ՆԱՏՕ-ի արեւելեան ռազմակայանը: