Հայ երիտասարդ դաշնակահարուհի Լաուրա Գալստեանը Լեհաստանի մէջ անցկացուող Քրիստիան Տկաչեվսկիի անուան 5-րդ դաշնակահարներու միջազգային մրցոյթին ճանաչուեր է վեց հորիզոնականներուն ընդգրկուած լաւագոյն դաշնակահարներէն մէկը՝ զբաղեցնելով 4-րդ մրցանակը։ Մրցոյթը անցկացուեր է առցանց ձեւաչափով՝ տարիքային հինգ տարբեր կատեգորիաներով։

«Երիտասարդ վիրտուզներ» կատեգորիային մեր 17-ամեայ հայրենակցուհին, ով Հայաստանի միակ ներկայացուցիչն  է, մրցեր է Ճապոնիայի, Չինաստանի, ԱՄՆ-ի, Մալթայի, Գերմանիայի եւ  շարք մը այլ երկիրներու մոտ 60 մասնակիցներու հետ՝ ծրագրին ներկայացնելով Բեթհովենի, Շոպենի, Ռավելի եւ Բաբաջանեանի ստեղծագործութիւնները։

Երիտասարդ դաշնակահարուհիի առաջին առցանց մենահամերգը նախատեսուած է Նոյեմբերին՝ Կոմիտաս թանգարան-ինստիտուտի դահլիճին մէջ։