Սեպտեմբերի 24-28-ը Երեւանի մէջ տեղի կունենայ «Արմենիա» միջազգային երաժշտական փառատօնը։ Երաժշտասերները հնարաւորութիւն կունենան ունկնդրելու դասական երաժշտութեան 5 համերգներ, որոնք կը կայանան Կարեն Տեմիրճեանի անուան մարզահամերգային համալիրի համերգային դահլիճին մէջ։

4-րդ անգամ Հայաստանի մէջ կազմակերպուող «Արմենիա» փառատօնի շրջանակներուն Հայաստան կը ժամանեն մեծանուն երաժիշտներ։ Հայաստանի պետական սիմֆոնիկ նուագախումբէն կը յայտնեն, որ ունկնդրին կը ներկայացուին Պյոտր Չայկովսկիի, Պաբլո Սարասատէի, Ալեքսեյ Շորի, Էռնեստ Շոսոնի ստեղծագործութիւններէն։ Համերգային երեկոները կը ղեկավարեն դիրիժորներ Դմիտրի Յաբլոնսկին եւ Մարիուս Ստրավինսկին։

Փառատօնային համերգները կը կայանան՝ պահպանելով սահմանուած առողջապահական բոլոր նորմերը։ Կապահոուի նաեեւ համերգներու առցանց հեռարձակումը, ինչը հնարաւորութիւն կուտայ անոնք ունկնդրելու ոչ միայն Հայաստանի մէջ, այլեւ աշխարհի ցանկացած ծայրը։