Ատրպէյճանական յատուկ ծառայութիւնները «Արցախի բնակիչներուն տարհանելու մասին» կեղծ փաստաթուղթ կը շրջանառեր սոցիալական ցանցերու մէջ: «Արմենպրես»-ի փոխանցմամբ՝ այս մասին հաղորդագրութիւն տարածեր է Արցախի Հանրապետութեան ազգային անվտանգութեան ծառայութիւնը.

«Արցախի Հանրապետութեան ազգային անվտանգութեան ծառայութիւնը հարկ կը համարէ իրազեկել, որ ատրպէյճանական յատուկ ծառայութիւններու կողմէ կրկին ապատեղեկատւութիւն տարածելու ակտիւ փորձեր կիրականացուին, քանի որ նշուած փաստաթուղթը կեղծ է։ Նշուած հանգամանքը մէկ անգամ եւս կը վկայէ, որ ատրպէյճանական կողմը կը փորձէ աժանագին միջոցներով խուճապ առաջացնել հայ հասարակութեան շրջանը:

Կոչ կընենք մեր քաղաքացիներուն զերծ մնալ սոցիալական ցանցերուն մէջ նման տեղեկութիւններ տարածելէ, անծանոթներու հետ ռազմական բնոյթի նոյթեր խօսելէ եւ հետեւիլ միայն պաշտօնական լրահոսին»,- կըսուի հաղորդագրութեան մէջ: