Կուբային ԵԱՏՄ առընթեր դիտորդ պետութեան կարգավիճակ տրամադրելու որոշումը կարող է ընդունուիլ մինչեւ 2020թ. վերջ, կը հաղորդէ Եւրասիական տնտեսական յանձնաժողովի (ԵՏՀ) մամուլի ծառայութիւնը։

«Կը կարծեմ, արդեն ընթացիկ տարուան Եւրասիական Բարձրագոյն տնտեսական խորհուրդը որոշում կընդունի։ Յանձնաժողովն իր կողմէ իրականացուցեր է բոլոր անհրաժեշտ ընթացակարգերը, որպէսզի ներկայացնէ այս հարցը մեր պետութիւններու ղեկավարներու ուսումնասիրութեանը։

«Դիտորդ պետութեան կարգավիճակը հնարաւորութիւն կուտայ Կուբային ինտենսիվացնել փոխգործակցութիւնը ԵԱՏՄ երկիրներու հետ։ Համագործակցութեան համար հեռանկարային ոլորտներ կարող են հանդիսանալ արդիւնաբերութիւնը, առողջապահութիւնը, էներգետիկան, տրանսպորտը, ագրովերամշակման համալիրը»,- իր հերթին ըսած է ԵՏՀ ինտեգրման եւ մակրոտնտեսութեան հարցերով նախարար Սերգեյ Գլազեւը։

ԵԱՏՄ առընթեր դիտորդ պետութեան կարգավիճակը հնարաւորութիւն  կուտայ երկրին հրաուերով մասնակցիլ ԵԱՏՄ մարմիններու նիստերուն՝ առանց որոշումներ կայացնելու իրաւունքի, ինչպէս նաեւ ստանալ մարմիններու կողմէ ընդունուած այնպիսի փաստաթուղթեր, որոնք չեն պարունակեր գաղտնի տեղեկատւութիւն։ Ներկայիս նման կարգավիճակ ունի Մոլտովան։