Արցախի Հանրապետութեան նախագահ Արայիկ Հարութունեանը Սեպտեմբերի 25-ին ընդուներ է բարերար Վլադիմիր Աւագեանին:

Երկրի ղեկավարի մոտ ԱՀ քաղաքաշինութեան եւ ռազմահայրենասիրութեան, երիտասարդութեան, սպորտի ու զբոսաշրջութեան նախարարներու մասնակցութեամբ քննարկուեր է համաֆինանսաւորման սկզբունքով Ստեփանակերտի մէջ արդի պահանջներուն համապատասխան պատանեկան մարզաառողջարանային պարապմունքներու եւ ժամանցի կենտրոն ստեղծելու ծրագիրը:

Հանրապետութեան նախագահի առաջարկով՝ հանդիպման մասնակիցներն այցելեր են կենտրոնի կառուցման տարածք եւ տեղւոյն վրայ ծանոթացեր անոր՝ նախագիծով նախատեսուած հնարաւորութիւններուն: Արայիկ Հարութունեանը նշեր է, որ առողջ սերունդ դաստիարակելու եւ երկրի մէջ մարզական կեանքը զարգացնելու համար նման կենտրոններու ստեղծումը շատ կարեւոր է, եւ յետագային եւս պետութեան կողմէ կը խրախուսուի մարզական նոր սրահներու բացումը։