Մոսկուան կոչ կ՛ընէ արտաքին եւ ներքին բոլոր խաղցողներուն առաւելագոյն զսպուածութիւն ցուցաբերել Լեռնային Ղարաբաղի մէջ տիրող իրավիճակի վերաբերեալ: «Արմենպրես»-ի հաղորդմամբ՝ ինչպէս կը տեղեկացնէ ՏԱՍՍ-ը, այս մասին լրագրողներուն յայտներ է Ռուսաստանի արտաքին գործերու փոխնախարար Անդրեյ Ռուդենկոն:

«Կոչ կ՛ընենք բոլոր արտաքին եւ ներքին խաղցողներուն ցուցաբերել առաւելագոյն զսպուածութիւն, այդ թիւին՝ հռետորաբանութեան առումով: Այժմ կարեւոր է առաւելագոյնս զգոյշ ըլլալ՝ անմիջապէս հրադադարի ռեժիմի հասնելու եւ կողմերուն բանակցային սեղան վերադարձնելու համար», ըսած է ան:

Ռուսաստանը, որպէս ԵԱՀԿ Մինսկի խումբի համանախագահող, 1991 թուականէն ակտիւ կը մասնակցի այս գործընթացին: «Մենք մտադիր ենք շարունակել կապերը բոլոր գործընկերներու հետ»,-ըսած է փոխարտգործնախարարը:

Արցախի հետ շփման գիծի ողջ երկայնքով Սեպտեմբերի 27-ի վաղ առաւոտեան Ատրպէյճեանն ակտիւ հրետակոծութիւն սկսերէ: Կը հրետակոծուին նաեւ խաղաղ բնակավայրերը, այդ թիւին՝ մայրաքաղաք Ստեփանակերտը: Ատրպէյճանի յարձակման հետեւանքով առաջին զոհերը եղեր են Մարտունիի շրջանին՝ մէկ կին եւ մէկ երեխայ: