Սեպտեմբեր 28, 2020
Ref: ANAO / ANF-1-2020.09.28
Ֆրանսիոյ Ազգային ժողովի նախագահ Պրն. Ռիչարդ Ֆեռանին

 

Պարոն Նախագահ, 

2020 թ. Սեպտեմբերի 27-ին Ատրպէյճանի Հանրապետութեան կողմէ Արցախի (Լեռնային Ղարաաբաղ) հայ խաղաղ բնակչութեան դէմ իրականացուած միակողմանի յարձակումներէն ետք, Արեւմտեան Հայաստանի Հանրապետութեան Ազգային ժողովի պատգամաւորներն լիագումար նիստ անցկացուցեր են : Նիստի ընթացքին ինձ լիազորութիւն տուին հաղորդել աշխարհի բոլոր խորհրդարաններուն, լրատուամիջոցներուն, ինչպէս նաեւ հասարակութեան լայն շերտերուն ՝ մեր խիստ դատապարտումը Արցախի հայկական ազգային տարածքի դէմ Ատրպէյճանի կողմէ ծրագրուած յարձակումներու վերաբերեալ:

Արեւմտեան Հայաստանի Հանրապետութեան Ազգային ժողովը կոչ կ՛ընէ միջազգային հանրութեանը եւ մասնաւորապէս, Մինսկի խումբին դատապարտել Ատրպէյճանի ագրեսիան, որը կը խախտէ  միջազգային իրաւունքը եւ օգնեն կասեցնել Հայաստանի քաղաքացիական բնակչութեան դէմ այդ հանցաւոր յարձակումները դիւանագիտական ուղիներով՝ կարգապահութիւն եւ անհապաղ զինադադար հաստատելու նպատակով։ 

Արեւմտեան Հայաստանի Հանրապետութեան Ազգային ժողովը կը յայտնէ, որ յարձակումները ծրագրաւորուած էին Ատրպէյճանի կողմէ՝ Թուրքիոյ բացայայտ աջակցութեամբ:

Հարկ է նշել, որ Արցախի Հանրապետութիւնը (Լեռնային Ղարաբաղ) ունի իր տարածքներուն մէջ աւելի քան 10,000 տարի ապրող բնիկ բնակչութիւն, որու 95% -ը հայեր են ՝ լիովին համապատասխան բնիկ ժողովուրդներու ինքնորոշման իրաւունքին, որը ընդունուեր է Միաւորուած ազգերու կազմակերպութեան կողմէ 2007 թուականի Սեպտեմբերի 13-ին:

Ինչպէս միշտ, Ատրպէյճեանը եւ Թուրքիան կը խեղաթիւրեն ճշմարտութիւնն ու պատմական փաստերը: Անոնց կանխամտածուած ռազմական յարձակումներն կիրականացուին միաժամանակ իրենց որպէս զոհ ներկայացնելով։

Արեւմտեան Հայաստանի Հանրապետութեան Ազգային ժողովը եւս մէկ անգամ կը նշէ, որ Ատրպէյճանը ՝ որպէս պատերազմական գործողութիւններ կատարող, իսկ Թուրքիան ՝ որպէս հանցակից եւ հրահրող, պատասխանատւութիւն կը կրեն մարդկային կորուստներու, նիւթական եւ բարոյական վնասներու համար:

Յայտնելով մեր խորին երախտագիտութիւնն ու բարեկամութիւնը, կայունութեան եւ համաշխարհային խաղաղութեան շրջանակներուն փոխադարձ պարտաւորութիւնները՝ Արեւմտեան Հայաստանի Հանրապետութեան Ազգային ժողովը ձեզի կը հղէ իր բարձր գնահատանքի հաւաստիացումները:

Լեոնարտո Պասմաճեան 

Արեւմտեան Հայաստանի Հանրապետութեան Ազգային ժողովի նախագահ