Լեգենտար հրամանատար Կարեն Ջալաւեանն արժանացեր է «Արցախի հերոս» բարձրագոյն կոչման։

«Ձեր սխրանքը, Ձեր կատարածը հայ ազգը դեռ շատ երկար ժամանակ կը յիշէ ու կը գնահատէ». –  Արցախի նախագահն ըսած  է լեգենտար հրամանատարին:

Արցախի նախագահ Արայիկ Հարութունեանի հրամանագիրով՝ Արցախեան գոյապայքարի եւ ապրիլեան պատերազմի օրերէն յայտնի լեգենտար հրամանատար Կարեն Ջալաւեանն պարգեւատրուած  է «Ոսկէ արծիւ» շքանշանով եւ արժանացած Արցախի հերոսի կոչման։ Այս մասին կը հաղորդէ Արցախի պաշտպանութեան նախարարութիւնը:

Խորհրդանշական միջոցառումը տեղի ունեցած է բանակի մարտական կառավարման կենտրոնին մէջ՝ Պաշտպանութեան բանակի բարձրագոյն հրամանատարական կազմի ներկայութեամբ:

«Մենք ժամանակ կունենանք դեռ՝ գնահատելու բոլորի սխրանքը: Բայց այսոր մենք ականատես եղած ենք լեգենտար «Եղնիկներ»-ու հերոսական մարտական գործողութիւններուն, որու արդիւնքին ոչ միայն գրաուած են անհրաժեշտ ստրատեգիական բարձունքներ, այլ նաեւ հակառակորդին կարողացած են պատճառել բաւականին մեծ կորուստներ: Ոչ միայն այսոր, այլ վերջին քանի մը օրերուն: Եւ այդ առումով, այս պահին, տեսնելով ընդամենը վարկեաններ առաջ կատարուած սխրանքը, որոշած եմ լեգենտար հրամանատար Կարեն Աղասիի Ջալաւեանին պարգեւատրել Արցախի հերոս բարձրագոյն կոչմամբ», – մասնաւորապէս յայտարարած է Արցախի նախագահը: