Ֆրանսիոյ նախագահ Էմանուել Մակրոնը յայտարարեր է, որ աւելի քան 300 սուրիացի իսլամիստներ թուրքական Գազիանթեփով տեղափոխուեր են Լեռնային Ղարաբաղի հակամարտութեան գոտի` Ատրպէյճանի զինուժի կողմէ ներգրաուելով ռազմական գործողութիւններուն։

Ինչպէս կը հաղորդէ միջազգային լրատուամիջոցները, Ֆրանսիան կը հաստատէ, որ այդ ապացուցուած փաստ է, Ռուսաստանը նոյնպէս կը տիրապետէ այդ տեղեկատւութեանը:

Այս մասին Մակրոնը յայտարարած է ԵՄ գագաթնաժողովի առաջին օրուայ արդիւնքներով ճեպազրոյցի ժամանակ։

Մակրոնը հաւելեր է, որ Ֆրանսիան սերտ կապի մէջ է ԵԱՀԿ Մինսկի խումբի միւս համանախագահներու՝ Ռուսաստանի եւ ԱՄՆ-ի հետ ու Լեռնային Ղարաբաղի իրավիճակի առնչութեամբ անոնց հետ համատեղ խաղաղ նախաձեռնութիւններ կը պատրաստէ:

«Ռուսաստանը, ԱՄՆ-ը եւ Ֆրանսիան, որպէս ԵԱՀԿ Մինսկի խումբի համանախագահներ, առաջիկայ օրերուն Լեռնային Ղարաբաղի հակամարտութեան դադարեցման շարք մը նախաձեռնութիւններ կը ձեռնարկեն։ Մենք սերտ աշխատանքային յարաբերութեան մէջ ենք»,- նշած է Ֆրանսիայի նախագահը։