Արեւմտեան Հայաստանի Սեւ ծովեան շրջանի Արաչ գաւառին մէջ գտնուող Կահին Բլուր կոչուող տեղանքի պեղումներու ժամանակ ի յայտ եկեր են անտիկ շրջանի տաճարի աւերակներ: Նախագիծի խորհրդատու Նուրփերի Այենգինը յայտարարելով, որ տարածքի ներքին շերտերուն մէջ կը գտնուի կարեւոր բնակավայր, մասնաւորապէս ըսաւ. «Մենք յայտնաբերեր ենք բնակավայր մը, որը կը թուագրուի մ.թ.ա.12-7-րդ դարերուն՝ Ակերամիկ Նեոլիթիկ դարաշրջանին։

Կը կարծենք, որ այդ պաշտամունքի վայր եղած է, որտեղ մարդիկ տարուայ որոշակի շրջաններուն կատարեր են երկրպագութիւն, կիսուեր են իրենց որսով եւ գիտելիքներով, քանդակեր են կենդանիներու պատկերներ»:

Այենգինը բացատրելով, որ ճարտարապետական ստեղծագործութիւններու հետ մէկտեղ յայտնաբերեր են նաեւ ցցաքարեր, հետեւեալ կարծիքն յայտներ է․«Քահին Բլուրը շատ նման է Ակերամիկական նեոլիթեան ժամանակաշրջանի Պորտասարին: Յայտնաբերուած ստեղծագործութիւնները նոյնպէս նման են: Հատկապէս, երբ մենք կը նայինք հիբրիդային աշխատանքներուն եւ հոգեւոր պաշտամունքային պատկերներուն, կրնանք ըսել, թէ այս Պորտասարին ամենաշատ նման բնակավայրերէն մէկն է»: