Արցախի նախագահ Արայիկ Հարութունեանը կը մեկնի առաջնագիծ։ Տեղեկութիւնը յայտներ է Facebook-ի իր էջին։ Ան նշած է, որ Արցախի եւ Ատրպէյճանի շփման գիծի ամբողջ երկայնքով տարբեր ինտենսիվութեամբ կընթանան ծանր մարտեր:

Հրետակոծութեան ենթարկուեր են քաղաքացիական բնակավայրերը, ներառեալ՝ մայրաքաղաք Ստեփանակերտը:

«Ազգն ու Հայրենիքը վտանգուած են. վտանգուած է մեր քաջ հայորդիներու արեան գինով ազատագրուած սեփական հողի վրայ ազատ, անկախ ու արժանապատիւ կերպով ապրելու եւ արարելու իրաւունքը: Ուստի, յատուկ նշանակութեան ստորաբաժանումներու հետ այժմ կը մեկնիմ առաջնագիծ՝ իմ բաժին մարտը մղելու, քանզի ես արդեն առաջնագիծին աւելի արժեքաւոր կըլլամ, քան՝ թիկունքին:

Կոչ կ՛ընեմ բոլորիդ՝ անհապաղ ոտքի կանգնիլ եւ անմնացորդ նուիրումով պաշտպանել սեփական հայրենիքի մէջ առանց գոյաբանական վտանգի ապրելու մեր անքակտելի իրաւունքը: 

Սա հայրենական սուրբ պատերազմ է, որը մենք պէտք է յաղթենք իւրաքանչիւրի առաւելագոյն մասնակցութեամբ ու նուիրումով», – ըսած է Արցախի նախագահը: