ԱՄՆ-ը պէտք է վերանայի իր յարաբերութիւններն Ատրպէյճանի եւ Թուրքիայի հետ: Այս մասին Լոս Անջելեսի քաղաքապետարանին մէջ կայացած մամուլի ասուլիսի ժամանակ ըսած է ներկայացուցներու պալատի անդամ Ադամ Շիֆը:

«Ամերիկացի ժողովուրդը պէտք է հասկնայ, թէ ինչն է վտանգուած, երբ Արցախի ժողովուրդը կսպանուի, երբ քաղաքացիական բնակավայրերը կը ռմբակոծուին եւ կը հրետակոծուին ատրպէյճանցիներու կողմէ, եւ այդ ամենը` Թուրքիայի օգնութեամբ, սա կսպառնայ մեր բոլոր ազատութիւններուն,- ըսած է ան` հաւելելով:- Այս հակամարտութիւնը պէտք է ստիպէ մեզ վերանայիլ մեր յարաբերութիւնները ինչպէս Թուրքիոյ, այնպէս ալ Ատրպէյճանի հետ: Եթէ ​​Միացեալ Նահանգներու դաշնակիցը Սուրիայէն մարտիկներ կը հաւաքագրէ` հետագայ արիւնահեղութիւնն ու խաղաղ բնակիչներու սպանութիւնները խթանելու համար, ապա անոնք ի՞նչ դաշնակիցներ են ՆԱՏՕ-ի մէջ կամ այլուր»:

Յիշեցնենք ,որ ԱՄՆ-ի շարք մը քաղաքական գործիչներ իրենց աջակցութիւնն յայտներ են ԱՄՆ-ի  հայ համայնքին,որն իր արդար բողոքի ձայն  բարձրացուցեր է ընդդէմ Ատրբպէյճանա-թուրքական յարձակման ,որուն ենթարուեր է Արցախը։