Ատրպէյճանի մէջ բնակուող թալիշ ակտիւիստները մտահոգութիւն յայտնած են եւ Լեռնային Ղարաբաղի հակամարտութեան գոտիին լարուածութեան սրմամբ եւ թալիշներուն ռազմաճակատ ուղարկելու Ատրպէյճանի կառավարութեան համակարգուած ջանքերով։ Անոնք յայտարարութիւն տարածած են, որը հրապարակուեր է «Ֆեյսբուք» սոցիալական ցանցի «Թալիշստան» էջին։

«Արմենպրես»-ի հաղորդմամբ` թալիշ ակտիւիստները նշած են, որ, պաշտպանելով Կովկասի ժողովուրդներու միջեւ բարեկամութիւնն ու եղբայրութիւնը, կը յարգեն միջազգային նորմերը` կապուած իրենց ճակատագիրը տնօրինելու ժողովուրդներու իրաւունքի հետ:

«Այս հակամարտութիւնը ռազմական լուծում չունի, քանի որ այդ կը հանգեցնէ միայն խնդիրներու՝ գալիք սերունդներու համար։ Մենք չափազանց մտահոգ ենք Ատրպէյճանի իշխանութիւններու կողմէ թալիշներուն մարտի դաշտ ուղարկելու քայլերով, թալիշներու շրջանին զոհերով եւ հայերու նկատմամբ ատելութիւն սերմանելու ջանքերով:

Թալիշներու մեծ մասը դժգոհ է այս իրավիճակէն: 

Կոչ կ՛ընենք Ատրպէյճանի կառավարութեանը վերջապէս վերջ դնել թալիշներու շրջանին ատելութիւնն սերմանելու քաղաքականութեանը։

Կոչ կ՛ընենք թալիշներուն չի յանձնուիլ ատելութեան քարոզչութեանը: Կոչ կ՛ընենք խուսափիլ բախումներուն մասնակցելէ: Մեր պատմութեան ընթացքին երբեւէ հակառակորդ չենք եղած որեւէ ժողովուրդի եւ կը շարունակենք այս ճանապարհը»,-նշած են իրենց յայտարարութեան մէջ։