Ազգութեամբ քիւրտ նախկին դիւանագետ եւ  քաղաքական գործիչ Իշխան Ասլան Անկոսին ANF-՝ «Եփրատ»  լրատուական գործակալութեանը տուած հարցազրոյցի ժամանակ յայտներ է, որ Թուրքիոյ սադրանքներու հետեւանքով  Ղարաբաղ-Արցախի մէջ Ատրպէյճանի սանձազերծած պատերազմը մեծ ծաւալով կը շարունակուի։ Ըստ անոր՝ Թուրքիոյ՝ պատերազմին անմիջական մասնակցութիւնը կը շարունակէ արձագանքներ ստանալ միջազգային ուժերու կողմէ:

Անկոսին կ՛ըսէ, որքան ալ թուի, թէ պատերազմն կընթանայ սոսկ Արցախի մէջ,  այնուամենայնիւ բոլոր միջազգային ուժերը, գլխաւորապէս Թուրքիան, կը մասնակցին այս պատերազմին, եւ անոնց նպատակը տարածարջանի աշխարհագրութեանը եւ հարստութեան  ռեսուրսներուն տիրանալն է։ 

Նախկին դիւանագետ եւ քաղաքական գործիչ Իշխան Ասլան Անկոսին հետեւեալ կարծիքին է. «Հիմայ Էրդողանն իր ժողովուրդին աղքատացուցած է այն գումարներու հաշիւին, որոնք հաւաքեր է իր իսկ ժողովուրդէն՝ հարկերու անուան տակ, որպէսզի Սուրիոյ մէջ տեռորիստ խմբաւորումներ հաւաքէ եւ ստիպէ անոնց կռուելու այս ու այն կողմերը։ Ինչո՞ւ համար Արդեօ՞ք ան այդ կը գործէ իր օսմանեան երազանքը իրականացնելու համար, թէ սեփական բռնապետութեան»:

Leave a Reply