Ռազմական գործողութիւններն առաջնագիծի բոլոր ուղղութիւններով  կը շարունակուին: Այս մասին Ֆեյսբուքի իր էջին գրած է Արցախի նախագահի մամուլի խօսնակ Վահրամ Պողոսեանը։

Ան, նաեւ գրած է. «Ծանր մարտերուն թշնամին մարտադաշտի մէջ կենդանի ուժի մեծաքանակ կորուստներ կը կրէ՝ պակասը փորձելով լրացնել հիմնականը արցախեան առաջին պատերազմի պարտուած վետերաններով: Եթէ անոր բանակի մէջ դեռեւս սթափ մտածող զինւորական  մնացած է, երեւի կը հասկանայ, թէ այդ ուժերու հետ կապուած, մեծ յոյսեր փայփայել պէտք չէ:

Պաշտպանութեան բանակը իր առջեւ դրուած մարտական խնդիրը փայլուն կը կատարէ»: