Մոսկուայի մէջ ՌԴ ԱԳ նախարար Սերգեյ Լաւրովի մասնակցութեամբ ՀՀ եւ Ատրբպէյճանի ԱԳ նախարարներ Զոհրապ Մնացականեանի եւ Ջեյհուն Պայրամովի բանակցութիւններու արդիւնքին հրադադարի մասին պայմանաւորուածութիւն ձեռք բերած են։ 

Հայտարարութեան մէջ, որը բանակցութիւններէն ետք ընթերցեց ՌԴ ԱԳ նախարար Սերգեյ Լաւրովը, մասնաւորապէս, նշուած է․

 «Ի պատասխան ՌԴ նախագահ Վլադիմիր Պուտինի ուղերձին եւ Ատրպէյճանի նախագահ Իլհամ Ալիեւի եւ Հայաստանի վարչապետ Նիկոլ Փաշինեանի հետ ՌԴ նախագահ Վլադիմիր Պուտինի համաձայնութիւններուն համապատասխան՝ կողմերը համաձայնութեան եկած են հետեւեալ քայլերու հարցով․ 

1․Կը յայտարարուի հրադադար 2020թ․ Հոկտեմբերի 10-ին ժամը 12:00-էն՝ մարդասիրական նպատակներով՝ գերիներու եւ պահուող այլ անձանց ու զոհուածներու մարմիններու փոխանակման նպատակով՝ Կարմիր Խաչի միջազգային կազմակերպութեան միջնորդութեամբ եւ չափանիշներուն համապատասխան։ 2․Հրադադարի ռեժիմի  չափանիշները կը համաձայնեցուին լրացուցիչ։

3․Ատրպէյճանի եւ Հայաստանի Հանրապետութիւնները, ԵԱՀԿ Մինսքի խումբի համանախագահներու միջնորդութեամբ, կարգաւորման հիմնարար սկզբունքներու հիման վրայ, կըսկսին կարեւոր բանակցութիւններ՝ շուտափոյթ խաղաղ կարգաւորման հասնելու նպատակով։ 

4․Կողմերը կը հաստատեն բանակցային գործընթացի ձեւաչափի անփոփոխութիւնը»։