Լիւքսեմբուրգի խորհրդարանին մէր միաձայն ընդունուեր է Արցախի նկատմամբ Ատրպէյճանի սանձազերծած ռազմական գործողութիւնները դատապարտող բանաձեւ:  «Արմենպրես»-ի փոխանցմամբ` բանաձեւին մէջ մասնաւորապէս կ՛ոսուի.

«Լիւքսեմբուրգի Պատգամաւորներու պալատը.

1․ հաշուի առնելով, որ հայերով բնակեցուած Լեռնային Ղարաբաղի ինքնիշխանութեան վերաբերեալ Հայաստանի եւ Ատրպէյճանի միջեւ մահացու պայքարը կը շարունակուի,

2․ արձանագրելով, որ Ատրպէյճանը 2020թ, Սեպտեմբերի 27-ին հարձակում սկսած է նպատակ ունենալով վերահսկողութեան տակ վերցնել Լեռանային Ղարաբաղը,

3․ գիտակցելով, որ ընթացող մարտերը ամենադաժանն են 1994թ. կնքուած զինադադարէն ետք,

4․ արձանագրելով երրորդ երկիրներու, մասնաւորապէս Թուրքիայի, ներգրաւմամբ աճող բարդութիւնները,

5․ գիտակցելով, որ Թուրքիոյ նախագահ Ռեջեփ Թայիփ Էրդողանը Ատրպէյճանին իր քաղաքական ու ռազմական աջակցութիւն կը ցուցաբերէ, նաեւ սուրիացի վարձկաններ ու ռազմական սարքաւորումներ մատակարարելով,

6․ փաստելով, որ Թուրքիան վերջնագիր ներկայացուցեր է՝ պնդելով, որ հրադադարը կը հաստատուի միայն, երբ Երեւանի (Հայաստանի) աջակցութիւնը վայելով ուժերը դուրս գան վիճելի տարածքէն,

7․ գիտակցելով, որ այս ռազմական ու քաղաքական հակամարտութիւնը՝ երրորդ կողմերու մասնակցութեամբ, կարող է հանգեցնել առաւել մեծ ծաւալի հակամարտութեան,

Կոչ կ՛ընէ կառավարութեանը` հստակ դատապարտել ռազմական բոլոր քայլերը, որոնք կը հակասեն 1994թ. զինադադարի դրոյթներուն, դատապարտել արտաքին որեւէ միջամտութիւն՝ ուղղուած հակամարտող կողմերէն մէկի, մասնաւորապէս Ատրպէյճանին թուրքական ռազմական աջակցութեան, աջակցիլ Լեռնային Ղարաբաղի մէջ հրադադարի հաստատման նախաձեռնութիւններուն եւ կոչ ընել հարգելու 1994. Մայիսին կնքուած զինադադարի սկզբունքները»:

Leave a Reply