Ատրպէյճանը Հոկտեմբերի 17-ի լուսաբացին սկսեր է Ստեփանակերտի հրթիռակոծութիւնը։ Վնասուեր են բնակելի տարածքներ, նախնական տուեալներով` տուժեր է երկու քաղաքացիական անձ։ Այս մասին կը տեղեկացնէ Արցախի Մարդու իրաւունքներու պաշտպան Արտակ Բեգլարեանը։ 

«Բարեբախտաբար մարդիկ ապաստաններու մէջ կը գտնուէին, եւ հնարաւոր եղաւ խուսափիլ մեծ կորուստներէ»,-«Արմենպրես»-ի հաղորդմամբ` նշեր է Բեգլարեանը։ 

Անընդհատ հնչեր է օդային տագնապի ազդանշանը, լուսաբացէն արդեն ոտքի են բոլորը։ 

Առաջին հրթիռակոծութիւնէն մէկ ժամ ետք Ատպէյճանը եւս  հարուածեր է Արցախի մայրաքաղաքի կենտրոնական քաղաքացիական ենթակառուցուածքներուն` պատճառելով աւերածութիւններ։ «Ատրպէյճանը կը շարունակէ պատերազմական հանցագործութիւնները, կը շարունակուի նաեւ միջազգային հանրութեան կուրութիւնը»,-նշած է Արցախի ՄԻՊ-ը։ 

ՀՀ օդային տարածքին մէջ  ՀՀ ԶՈՒ ՀՕՊ ստորաբաժանումները երեկ գիշեր խոցեր են հակառակորդի երկու ԱԹՍ։ Սյս մասին ֆեյսբուքի իր էջին գրեր է ՀՀ պաշտպանութեան նախարարի մամուլի խօսնակ Շուշան Ստեփանեանը: 

Leave a Reply