Ատրպէյճանի նախագահ Իլհամ Ալիեւն արդեն  քանի  օր է՝ դուրս է իր երկրի տարածքէն՝ նախընտրելով գտնուիլ թուրքական Անթալիայի շրջանին իր պալատներէն մէկի մէջ՝ Բաքուի մէջ յայտնուելով միայն ճեպազրոյցներու եւ «ազգին դիմելու» ժամանակ, կը գրէ Волна Каспия վոլնիա քասպիա թերթը՝ հղում կատարելով իր աղբիւրներուն։

Աղբիւրի փոխանցմամբ՝ «ատրպէյճանցի բռնապէտի նման անսպասելի պահուածքը կապուած է իր իշխանութեան եւ կեանքի համար մտավախութիւններու հետ՝ ամբողջ Ատրպէյճանի մէջ աւելի ուժգնացող հակապատերազմական տրամադրութիւններու պատճառով։ Այդ հուզումներու պատճառ դարձած են Ղարաբաղի մէջ ատրպէյճանական բանակի անյաջողութիւնները՝ չնայած տարածաշրջանի արագ «ազատագրման» խօստումներուն, այս պահին Ատրպէյճանի ԶՈւ մէկ մասը շրջապատուած է Զանգելանի շրջանին, իսկ միւսը սրընթաց կը նահանջէ դէպի արեւելք»։

Ինչպէս կը փոխանցէ աղբիւրը, ատրպէյճանական ղեկավարութիւնը կը փորձէր իր բնակչութեանը զերծ պահել մարտական գործողութիւններու գոտիէն ճշմարիտ տեղեկատւութիւնէն եւ հիմնականը այդ կը գործէր երկրի ամբողջ տարածքին սոցիալական ցանցերու անջատման եւ լրագրողներու աշխատանքը խոչընդոտելու միջոցով:

«Ռազմաճակատէն կը հասնէին միայն այնպիսի տեղեկութիւնները, որոնք ձեռնտու էին Ալիեւին»,- գրած է թերթը։

Կը յաղորդուի, որ ամբողջ երկրի մէջ մեծ վրդովմունք կը հասունանայ, որը, ամենայն հաւանականութեամբ, կսկսուի Ատրպէյճանի բնիկ ժողովուրդներու բնակութեան շրջաններուն մէջ, բայց ետքը անպայման կանդրադառնայ նաեւ Բաքուի վրայ: