Այսոր հայ երգահան, երգիչ, երաժշտական էթնոլոգ, երաժշտագետ, վարդապետ եւ ուսուցիչ, բանահաւաք, խմբավար, մանկավարժ, հայկական ազգային կոմպոզիտորական դպրոցի հիմնադիր Կոմիտասի՝ Սողոմոն Սողոմոնեանի յիշատակի օրն է։ Իր կարճ, բայց բովանդակալից կեանքի ընթացքին բազմաթիւ ողբերգութիւններու ականատէս եղաւ մեծ երաժիշտն ու հայը, ինչն ալ իր անդառնալի հետքը ձգեց մեծ հայորդիի կեանքին։ Ցեղասպանութեան սարսափներն անջնջելի հետք թողեցին անոր հոգեկան աշխարհի վրայ։ Կոմիտասն առանձնացաւ արտաքին աշխարհէն, փակուեց մռայլ ու ծանր խոհերու մէջ՝ ընկճուած ու մելամաղձոտ։ 1916 թուականին կոմպոզիտորի առողջական վիճակն ա՛լ աւելի վատթարացաւ, եւ անոր տեղափոխեցին հոգեբուժարան։ Սակայն ապաքինման յոյս չիկար։

1935 թուականի Հոկտեմբերի 22-ին ընդհատուեց մեծն Կոմիտասի կեանքը։ 1936 թուականի գարնանը անոր աճիւնը տեղափոխուեցաւ Հայաստան եւ հողին յանձնուեցաւ Երեւանի՝ մշակոյթի գործիչներու պանթեոնին մէջ։