Գիշերուայ ընթացքին արցախա-ատրպէյճանական հակամարտութեան գոտիին պահպանուեր է հարաբերական կայուն-լարուած իրադրութիւն:

Արցախի ՊԲ-էն NEWS.am-ին կը յայտնեն, որ առանձին հատուածներ կը շարունակուին հրետանային մենամարտերն ու փոխհրաձգութիւնները:

Երեկոյեան, հերթական անգամ կոպտօրէն խախտելով միջազգային մարդասիրական իրաւունքի նորմերը, թշնամական ուժերը հրետակոծեր են խաղաղ բնակավայրերը, այդ թիւին՝ մայրաքաղաք Ստեփանակերտը:

Ներկայիս տեղային նշանակութեան մարտեր կընթանան ճակատային գիծի բոլոր ուղղութիւններուն: ՊԲ-ի ստորաբաժանումները յաջողութեամբ կանխեր են հակառակորդի հարձակողական գործողութիւնները՝ վերահսկողութեան ներքոյ պահելով օպերատիւ-մարտավարական իրադրութիւնը: