Հայկական կողմը կը շարունակէ խստօրէն պահպանել հրադադարի ռեժիմը, այս մասին յայտարարեր է ՀՀ վարչապետ Նիկոլ Փաշինեանը:

ԱՄՆ-ի մէջ ձեռք բերուած պայմանաւորուածութեան համաձայն ժամը 08:00-ին հրադադարի ռեժիմի ուժի մէջ մտնելու առնչութեամբ՝ ՀՀ վարչապետը Հոկտեմբերի 26-ի վաղ առաւոտեան ընդգծեր էր. «Ինչպէս եւ համաձայնութեան եկած է երեկ Ուաշինգտոնի մէջ, ԱՄՆ միջնորդութեամբ, հայկական կողմը ժամը 08.00-էն լիարժեք կը պահպանէ հրադադարի ռեժիմը»:

Ատրբպէյճանական կողմը, կոպտօրէն խախտելով ԱՄՆ-ի մէջ ձեռք բերուած հումանիտար հրադադարի մասին պայմանաւորուածութիւնը, ժամը 08:45-ի սահմաններուն հրետանային կրակ վարեր է Արցախի հիւսիսարեւելեան մարտական դիրքերու ուղղութեամբ: Հերթական խախտումը գրանցուեց ժամը 09:10-ի սահմաններուն. հակառակորդը թիրախաւորեր է հարաւարեւելեան ուղղութեամբ դիրքերը` արձակելով հինգ հրետանային արկ: