Մոսկուան դէմ է Լեռնային Ղարաբաղի մէջ ռազմական լուծմանը եւ կոչ  կընէ բոլոր արտաքին խաղացողներուն ձեռնպահ մնալ ռազմական սցենարներէն․ այս մասին յայտարարեր է Ռուսաստանի ԱԳ նախարար Սերգեյ Լավրովը:

«Չենք թաքցներ, որ չենք պաշտպաներ այդ խնդիրի ռազմական լուծման հնարաւորութեան եւ թոյլատրելիութեան մասին դիրքորոշումը։ Դիտարկելով երկու ժողովուրդներուն, եւ՛ հայ, եւ՛ ատրպէյճանցի ժողովուրդներուն որպէս բարեկամական եւ եղբայրական, մենք չենք կարող կիսել նման ձգտումները»,- յայտարարեր Է Լավրովը «Աթենքի եւ մակեդոնական նորութիւններու գործակալութեանը» տուած հարցազրոյցին, կը հաղորդէ ՌԻԱ Նովոստին:

Ան յիշեցուցած է, որ «բացառապէս քաղաքական» կարգաւորման օգտին «յստակ արտայայտուեր են Ռուսաստանի, ԱՄՆ-ի եւ Ֆրանսիայի նախագահները՝ որպէս ԵԱՀԿ Մինսքի խումբի համանախագահ-ղեկավարներ»:

 «Կոչ կընենք բոլոր արտաքին «խաղացողներուն» կատարել ամեն ինչ թոյլ չտալու ռազմական սցենարի հետագայ տարածումը, սառեցնելու կողմերու հոյզերը, ակտիւացնելու խաղաղ գործընթացի վերագործարկման համար պայմաններու ստեղծման աշխատանքը»,- ըսեր է Սերգեյ Լավրովը: