Արցախի Հանրապետութեան նախագահ Արայիկ Հարութունեանն կարձանագրէ, որ հակառակ ԵԱՀԿ Մինսքի խումբի համանախագահող երկիրներու գործադրած ջանքերուն՝ ուղղուած տարածաշրջանին հումանիտար հրադադար հաստատելուն, Ատրպէյճանի ռազմաքաղաքական ղեկավարութիւնը կը շարունակէ անտեսել եւ խախտել այդ նպատակով ձեռք բերուած բոլոր պայմանաւորուածութիւնները:

Արայիկ Հարութունեանն այս մասին գրառում կատարեր է «Ֆեյսբուք»-ի իր էջին:

«Ինչպէս եւ նախորդ անգամները, համաձայնեցուած մարդասիրական հրադադարը կեանքի կոչելու եւ պահպանելու կողմերու յանձնառութիւնը, այսոր կրկին կոպտօրէն խախտուեր է պաշտօնական Բաքուի կողմէ: Հատկապէս օրուայ երկրորդ կէսին Ատրպէյճանն առաջնագիծի ողջ երկայնքով վերսկսեր է նախահարձակ գործողութիւնները՝ հրթիռահրետանային միջոցներու կիրառմամբ:

Այս ամենը կը հաստատէ, որ Ատրպէյճանի իշխանութիւնները, ունենալով Թուրքիոյ իշխանութիւններու անվերապահ հովանաւորութիւնը եւ վարձկան-ահաբեկիչներու աջակցութիւնը, որեւէ նպատակ չունին խաղաղ երկխօսութիւնը վերսկսելու եւ բացայայտ ձեւով կը հասկացնեն, որ պիտի շարունակեն ռազմական ջանքերը Արցախի վերջնական հայաթափման ուղղութեամբ: Ուստի, մեր համազգային խնդիրն է պայքարել հանուն սեփական հայրենիքի մէջ արցախահայութեան անվտանգ ու արժանապատիւ գոյութեան: »,- գրեր է Հարութունեանը: