Գիշերուայ ընթացքին արցախա-ատրպէյճանական հակամարտութեան գոտիին պահպանուեր է հարաբերական կայուն-լարուած իրադրութիւն:

Արցախի ՊԲ-էն կը յայտնեն, որ երեկոյան հակառակորդը շարունակեր է հրետակոծել խաղաղ բնակավայրերը, մասնաւորապէս թիրախեր են Մարտունին, Ասկերանի շրջանի վերին ենթաշրջանի գիւղերը:

Ներկայիս տեղային նշանակութեան մարտեր կընթանան ճակատային գիծի որոշ ուղղութիւններ: ՊԲ ստորաբաժանումները կը շարունակեն հակառակորդի դիվերսիոն խումբերու ոչնչացման գործողութիւնները:

Ատրպէյճանը երեկ կէսօր կասետային «Սմերչ» համազարկային կրակի ռեակտիվ համակարգով հրթիռակոծեր է Արցախի Մարտունի շրջանի Ննգի գիւղի բնակելի հատուածները, որտեղ ապաստաներ էին շարք մը այլ համայնքներէն ժամանակաւորապէս տեղահանուած քաղաքացիական բազմաթիւ անձինք: Հարուածի հետեւանքով երեք կին վիրաւորուած է, ինչպէս նաեւ ամբողջութեամբ աւիրուեր է մէկ տուն, տարբեր աստիճանի վնաս  հասցուած է համայնքի այլ տուներու ու ենթակառուցուածքներուն: