Քրդերէն լեզուով փաստագրական ֆիլմ կը նկարահանուի Հաքքարիի մէջ քրիստոնեայ ազգային փոքրամասնութիւններէ մնացած եկեղեցիներուն մասին։ «Անարձագանք ճիչ» վերնագրուած ֆիլմը նուիրուած է այստեղի 10 եկեղեցիներուն։

Աղբիւրի փոխանցմամբ՝ Հաքքարի նահանգի գաւառներուն մէջ ասորական համայնքի համար նշանակութիւն ունեցող 150 եկեղեցիներու էական մասը փլուեր է, իսկ կանգուն մնացած 30 եկեղեցիներն ալ կաւիրուին գանձագողերու կողմէ։ Լրագրող Էմին Սարըի 40 վարկեան տեւողութիւն ունեցող «Անարձագանք ճիչ» ֆիլմը նուիրուած է դեռ կանգուն մնացած եկեղեցիներու նիւթին։

Ֆիլմի հեղինակ Էմին Սարըն լրատուամիջոցի թղթակիցի հետ զրոյցի ժամանակ նշած է, թէ Հաքքարիի մէջ շատ նշանաւոր պատմական կառոյցներ կան, եւ իրենք կը ցանկանային ուսումնասիրել , սակայն մինչ այդ հնարաւորութիւնները  բաւարար չէին։ 

Սարըն ընդգծելով, որ Հաքքարիի մէջ եկեղեցիներ եւ այլ հոգեւոր կառոյցներ անտեր մնացեր են, հաւելեր է․ «Եկեղեցիներու եւ վանքերու էական մասը շուտով լիովին կը քանդուի։ Անոնք չեն պահպանուիր։ Հուսով եմ՝ այս ֆիլմի միջոցով հետաքրքրութիւն կառաջանայ սոյն շինութիւններու հանդէպ»։