Թուրքիոյի դէմ ԱՄՆ պատժամիջոցներու սպառնալիքը՝ կապուած Ռուսաստանէն Ս-400 զենիթահրթիռային համակարգերու (ԶՀՀ) ձեռքբերման հետ, կը մեծանայ: Պետքարտուղարի ռազմաքաղաքական հարցերով օգնական Քլարք Կուպերը նման նախազգուշացում կատարեր է Անկարային, կը հաղորդէ ՏԱՍՍ-ը:

«Ինչ կը վերաբերուի CAATSA-ի շրջանակներու պատժամիջոցներուն, ապա անոնց կիրառման ռիսկը երբեք չէ վերացած: Այն, ինչ մենք կը տեսնենք մինչեւ այժմ՝ անցած եւ այս տարուայ ժամանակահատուածին, աճող ռիսկ է»,- ըսեր է ԱՄՆ արտաքին գործերու նախարարութեան պաշտօնեան՝ լրագրողներու համար առցանց ճեպազրոյցի ժամանակ մեկնաբանելով Ս-400 համակարգերու գնման համար Անկարայի հանդէպ Ուաշինգտոնի կողմէ սահմանափակուող միջոցներու կիրառման հեռանկարները: