Մինսքի խումբի համանախագահներու հետ հանդիպման արդիւնքին Հայաստանի եւ Ատրպէյճանի ԱԳ նախարարներու միջեւ պայմանաւորուածութիւն ձեռք բերուած  խաղաղ բնակչութեան եւ ոչ ռազմական օբյեկտները չի թիրախաւորելու վերաբերեալ:

Այս մասին կըսուի ԵԱՀԿ Մինսքի խումբի համանախագահներու տարածած հաղորդագրութեան մէջ:

«Համանախագահները կրկին կոչ ըրած են կողմերուն՝ ամբողջութեամբ կատարել իրենց պարտաւորութիւնները, ներառեալ հումանիտար հրադադարի անհապաղ հաստատումը, Հոկտեմբերի 10-ին Մոկուայի համատեղ յայտարարութեան համաձայն, որը կողմերը հաստատեր են Հոկտեմբերի 17-ին Փարիզի մէջ եւ Հոկտեմբերի 25-ին Ուաշինգտոնի մէջ»,- կըսուի յայտարարութեան մէջ:

Կողմերը պայմանաւորուեր են շտապ կարգով  շարք  մը քայլեր ձեռնարկել.

1.Կողմերը, միջազգային մարդասիրական իրաւունքին համապատասխան, դիտաւորեալ հարձակում չեն գործեր քաղաքացիական բնակչութեան կամ ոչ ռազմական օբյեկտներու վրայ,

2.Կողմերն ակտիւօրէն կը մասնակցին ռազմի դաշտին մէջ զոհուածներու աճիւններու փոխանակման իրականացմանը՝ ԿԽՄԿ-ին եւ գործող նախագահի մշտական ներկայացուցչին (PRCiO) տրամադրելով անվտանգութեան անհրաժեշտ երաշխիքներ,

3.Կողմերը ԿԽՄԿ-ին եւ PRCiO-ին մէկ շաբաթուայ ընթացքին կը փոխանցեն ներկայի պահպանութեան տակ գտնուող ռազմագերիներու ցուցակը՝ հետագայ փոխանակումն ապահովելու նպատակով,

Կողմերը գրաւոր կը ներկայացնեն Հոկտեմբերի 10-ի համատեղ յայտարարութեան 2-րդ կէտին համապատասխան հրադադարի ստուգման հնարաւոր մեխանիզմներու հետ կապուած մեկնաբանութիւնները եւ հարցերը։

Համանախագահները կը շարունակեն ինտենսիվ աշխատանքը կողմերու հետ՝ հակամարտութեան խաղաղ կարգաւորման հասնելու ուղղութեամբ»,- նշուած է յայտարարութեան մէջ: