Արեւմտեան Հայաստանի նախագահական խորհուրդը, Ազգային խորհուրդը, Կառավարութիւնն ու Արեւմտեան Հայաստանի Խորհրդարանը խոր ցաւով հիշեցնում են Մկրտիչի եւ Երջանիկի որդի՝ Պարոն Արդէն Շելլեֆեանի վաղաժամ մահուան առաջին տարելիցի մասին:

Արդէն Շելլեֆեանը՝ արմատներով Մուշէն է, ծնած է   25 Սեպտեմբեր 1951 թթ եւ մեծցեր է Պոլսոյ մէջ: Աւարտեր է Զուիցերիոյ Լոզանի համալսարանը: Ան ունէր տնտեսագիտութեան դոկտորի աստիճան եւ իր գիտելիքներով կ’օգնէր աշխարհի տարբեր ֆինանսական եւ արտադրական ընկերութիւններուն: Ան աւելի քան 12 տարի Ժընեւ գտնուող «Ֆրանկ Միւլլեր» ընկերութեան  գլխաւոր խորհրդատուն եղած է, ինչպէս նաեւ «Արցախբանկ»-ի տնօրէններու խորհուրդի անդամ եւ նախագահ:

 Արդէն Շելլեֆեանը եղած է Արեւմտեան Հայաստանի Հանրապետութեան Նախագահական խորհուրդի անդամ, Արեւմտեան Հայաստանի պետական հեռուստատեսութեան հիմնադիր: Ան իր ամբողջ կեանքի ընթացքին նուիրուեր է հայ ժողովուրդի իրաւունքները վերականգնելու եւ Արեւմտեան Հայաստան պետութեան ինքնիշխանութիւնն ու իրաւունքները պաշտպանելու գործին:

MITANNI հիմնադրամի նախագահ Արդէն Շելլեֆեանը հայ ազգի հնագոյն պատմութեան վերաբերեալ բազմաթիւ գիրքերու նախաձեռնողն էր: Անոր համար գլխաւորը եւ հիմնական մտահոգութիւնը  եղած է հայ ժողովուրդի պատմական ճշմարտութեան վերականգնումը:

Արդէն Շելլեֆեանը, տնտեսագէտ, մտաւորական, պատմաբան, պոլիգլոտ, իրաւապաշտպան, պետական գործիչ, ջերմեռանդ պաշտպան եւ ուղղակի մարդ’ Արեւմտեան Հայաստանէն, ով  յանկարծակի լքեց մեզ: Ան ժամանակ դեռ կ’աշխատէր Սեւրի պայմանագիրի հարիւրամեակը կազմակերպելու աշխատանքներուն վրայ:

Արեւմտեան Հայաստանի նախագահական խորհուրդը, Ազգային խորհուրդը, Կառավարութիւնն ու Արեւմտեան Հայաստանի Խորհրդարանը միասնականօրէն իրենց ցաւակցութիւնը կը յայտնեն հանգուցեալ Պարոն Արդէն Շելլեֆեանի կնոջը, երեխաներուն, անոր ամբողջ ընտանիքին եւ մտերիմներուն:

Արդէն Գրիգոր Շելլեֆեան’ հանգչի՛ր խաղաղութեամբ: 

Արմենակ Աբրահամաեան

Արեւմտեան Հայաստանի Հանրապետութեան Նախագահ