Արցախի մարդու իրաւունքներու պաշտպանի նախնական տեղեկութիւններով` Ատրպէյճանի կողմէ հրդեհի մատնուեր է Արցախի առնուազն 1815 հա անտառածածկ տարածք: Այս մասին կըսուի Արցախի մարդու իրաւունքներու պաշտպանի աշխատակազմի տարածած հաղորդագրութեան մէջ:

«Քաղաքացիական բնակավայրերու եւ օբյեկտներու թիրախաւորմանը զուգահեռ՝ հատկապէս վերջին օրերու ընթացքին Ատրպէյճանի զինուած ուժերը դիտաւորեալ կը հրդեհեն Արցախի անտառածածկ տարածքները՝ ըստ նախնական տուեալներու՝ հիմնականը սպիտակ ֆոսֆորի արգիլուած զինատեսակի կիրառմամբ:-նշուած է հաղորդագրութեան մէջ:

Արցախի Մարդու իրաւունքներու պաշտպանի փաստահաւաք առաքելութեան շրջանակներուն պարզուեր է, որ ատրպէյճանական կողմէ Արցախի անտառներու դիտաւորեալ հրդեհումը կը կրէ համատարած բնոյթ եւ կընդգրկէ բոլոր շրջանները: Նախնական տեղեկութիւններով՝ հրդեհի մատնուեր է արդեն 1815 հեկտար անտառածածկ տարածք, սակայն տարբեր վայրերու մէջ հրդեհները կը շարունակուի , եւ առկայ է ծաւալներու արագ աճի միտում: