Արցախի պաշտպանութեան բանակի զորքերը Նոյեմբերի 2-ին եւ լոյս 3-ի գիշերուայ ընթացքին պաշտպանողական մարտեր վարեր են արեւելեան, հարաւ-արեւելեան եւ հարաւային ուղղութիւններով: ՊԲ ստորաբաժանումները դիպուկ կրակով նշուած հատուածները խոցեր են յայտնաբերուած ատրպէյճանական ավտոմոբիլային տեխնիկան, կենդանի ուժը, ինչպէս նաեւ 1 տանկ:

Այս մասին տեղեկացուցին Արցախի Հանրապետութեան պաշտպանութեան նախարարութիւնէն: «Արեւելեան ուղղութեամբ ճակատային գիծի փոքր հատուածին, մարտավարական նկատառումներէն ելլելով, ՊԲ ուժերը ետ  քաշուեր են՝ զբաղեցնելով հետագայ մարտական գործողութիւններու համար առաւել նպաստաւոր բնագիծեր:

Առաւոտեան հարաւային ուղղութեամբ առաջխաղացման փորձ ձեռնարկող թշնամական տեխնիկային եւ կենդանի ուժին ՊԲ-ն հասցուցեր է դիպուկ կրակային խոցի մէջ՝ պատճառելով կորուստներ եւ ստիպելով ետ շպրտուել ելման դիրքեր: