Նոյեմբերի 3-ին ԱԳ նախարար Զոհրապ Մնացականեանն ընդունեց Հայկական բարեգործական ընդհանուր միութեան Եւրոպայի գրասենեակի կողմէ նախաձեռնուած «Եւրոպայի երիտասարդութիւնը հանուն Արցախի անկախութեան ճանաչման» ծրագրի մասնակիցներէ, ԵՄ գործող եւ նախկին պատգամաւորներէն, օտարերկրեայ լրագրողներէն կազմուած պատուիրակութեանը։

Ողջունելով հիւրերուն՝ նախարար Մնացականեանը նշեց, որ Արցախի համար այս դժուարին ժամանակաշրջանին նման ներկայացուցչական պատուիրակութեան այցն անչափ կարեւոր է՝ որպէս արցախահայութեանը ցուցաբերուող զորակցութեան եւ համերաշխութեան դրսեւորում: 

Զոհրապ Մնացականեանը ներկաներուն իրազեկեց Արցախի դէմ Ատրպէյճանի կողմէ սանձազերծուած լայնամասշտաբ ագրեսիայի ընթացքի վերաբերեալ:

ԱԳ նախարարը հիւրերուն ուշադրութեան հրաւիրեց Ատրպէյճանի կողմէ վարուող ռազմական գործողութիւններուն անմիջական ներգրաուածութիւն ունեցող Թուրքիոյ ապակայունացնող դերակատարութեան վրայ, որն կարտայայտուի նաեւ վերջինիս կողմէ Մերձաւոր Արեւելքէն օտարերկրեայ զինեալ ահաբեկիչներու հաւաքագրմամբ եւ հակամարտութեան գոտիին տեղակայմամբ: «Ատրպէյճանը վերածուեր է Հարաւային Կովկասի մէջ ահաբեկչութեան կենտրոնի, ահաբեկչութիւն հովանաւորող պետութեան»,- ընդգծեց ՀՀ ԱԳ նախարարը: