Սուրիոյ արաբական բանակը Նոյեմբերի 2-ին իր ուժերը տեղակայերէ Մորեք քաղաքի մէջ գտնուող թուրքական զինուած ուժերուն պատկանող նախկին ռազմական դիրքի ուղղութեամբ:

Այս մասին կը յայտնէ Tert.am-ը:

Սուրիոյ կառավարական բանակն իր ուժերը տեղակայեր է  Համայի հիւսիսին գտնուող այս դիտակէտէն թուրքական ուժերու դուրս գալէն ընդամենը քանի մը օր ետք:

Սուրիոյ բանակի ինժեներական խումբերը յայտարարեր են, որ տարածքը մաքուր է պայթուցիկներէն, որմէ ետք զինուորականները նախկին ժամանակ թուրքական զորքերու կողմէ գրաւած բլուրի վրայ բարձրացուցեր են Սուրիոյ Արաբական Հանրապետութեան դրոշը:

Այժմ, երբ Մորեքը կը գտնուի սուրիացիներու հսկողութեան տակ, երկրի բանակը իր ուշադրութիւնը կուղղի Շեր Մաղեր դիտակէտի վրայ, որմէ նոյնպէս վերջերս դուրս եկեր են թուրք զինուորականները: