Արեւմտեան Հայաստանի Վան նահանգի բարձր հատուածներուն՝ վերջին օրերուն եղանակի կտրուկ փոփոխութեան պատճառով տեղացեր է տարուայ առաջին ձիւնը:

Քաղաքի կենտրոնին տեղացող անձրեւը աւելի բարձր հատուածներու վրայ վերածուեր է ձիւնի: Վան – Բահչեսարայ մայրուղի՝ 3 հազար մետր բարձրութեան վրայ գտնուող Կարապետի լեռնանցքը ձիւնի տեղումներու պատճառով վերածուեր է սպիտակ: Ժամանակ առ ժամանակ խտացող մառախուղն ու ձիւնի տեղումները կը դժուարացնեն վարորդներու երթեւեկութիւնը:

Փրկարար խումբերը կը շարունակեն աշխատիլ շինարարական ինքնաշարժներրով՝ ճանապարհին կուտակուած ձիւնը մաքրելու ուղղութեամբ: