Իրանն կուժգնացնէ իր հիւսիսային սահմանին ռազմական ներկայութիւնը, շարունակելով կուտակել մեծածաւալ մարդուժ եւ տարաբիւթ սպառազինութիւն։ Այդ ամենը կը յուշէ, որ Իրանն անհրաժեշտութեան պարագային կը պատրաստուի լուծել ոչ միայն պաշտպանական, այլեւ հարձակողական խնդիրներ, անցնելով Արաքսը:

Իրանի ցամաքային զորքերու հրամանատար գեներալ Հեյդարին նախօրէին յայտարարած էր, թէ Իսլամական պետութիւնը չի հանդուրժէր ռեգիոնալ աշխարհաքաղաքական սահմաններու եւ աշխարհագրութեան փոփոխութիւն: Իրանը մտահոգութիւն յայտներ է ահաբեկիչներու առնչութեամբ, իրենք կը փոխեն աշխարհաքաղաքականութիւնը ռեգիոնի մէջ, քան  Արցախի դէմ պատերազմին:

Այն, որ այդ տեղաշարժը Կովկասի ահաբեկչականացման թուրքական ռազմավարութեան մէջ ունի իր տեղը, անկասկած այդպէս է: Ամբողջ հարցն այն է, թէ Անկարան երբ կուտայ այդ հրամանը: Իրանի հիւսիսային սահմանին հարձակողական ռազմուժի կուտակումը կը վկայէ, որ Թեհրանը հաւանական կը համարէ այդ սպառնալիքը: Իսկ ա՞րդեօք կը դիտարկէ կանխարգելիչ հարուածը Արաքսէն այս կողմ։

Հատկանշական է, որ Թեհրանը մեծ ծաւալի սպառազինութիւն եւ հարձակողական ներուժ կը տեղակայէ հիւսիսային սահմանին ոչ թէ այն ժամանակ, երբ այնտեղ փաստօրէն կընթանային թեժ մարտեր, այլ անկէ ետք, երբ թուրք-ահաբեկչական ուժերը բաւական առաջ շարժուեր են: Հատկանշական է նաեւ, որ հարուածային ուժի կուտակումը Թեհրանը սկսաւ իր դիւանագիտական նախաձեռնութիւնը ռեգիոնալ խաղցողներուն ներկայացնելուն զուգահեռ: