ՀՀ Մարդու իրաւունքներու պաշտպան Արման Թաթոեանն ընդուներ է բարոնուհի Քերոլայն Քոքսի գլխաւորած պատուիրակութեանը։ Այս մասին կը յայտնեն ՄԻՊ գրասենեակէն։

Պաշտպանը ներկայացուցեր է ատրպէյճանական զինուած ուժերու կողմէ Հայաստանի եւ Արցախի խաղաղ բնակիչներու նկատմամբ պատերազմական ու մարդկութեան դէմ ուղղուած հանցագործութիւնները, որոնք հիմնուած են Հայաստանի ու Արցախի Մարդու իրաւունքներու պաշտպաններու փաստահաւաք աշխատանքներու վրայ։

«Ատրպէյճանական զինուած հարձակումները համացանցի մէջ կուղեկցուին ատելութեան համատարած խօսքով էթնիկ հայերու նկատմամբ։ Այս օրերուն ամեն ինչ կը կատարուի ատելութիւնը բորբոքելու համար»,- նշեր է Մարդու իրաւունքներու պաշտպանը՝ եզրահանգելով, որ ատրպէյճանական կողմի նպատակն է Արցախի մէջ էթնիկ հայերու զտումը՝ ահաբեկչական մեթոդներով, պատերազմական ու մարդկութեան դէմ ուղղուած հանցագործութիւններով։

Բարոնուհի Քերոլայն Քոքսը շնորհակալութիւն յայտներ է Արցախի եւ Հայաստանի մէջ իրավիճակի մանրամասն ներկայացման համար եւ ցանկութիւն յայտներ է հնարաւորութեան դէպքին այցելել Արցախի իրական վիճակն արձանագրելու համար։ Մարդու իրաւունքներու պաշտպանը պատրաստակամութիւն յայտներ է թոյլտւութեան պարագային անձամբ ուղեկցել պատուիրակութեանը։